Ke ngwanamopedi
Ke boa Lebowa
Lebowa dithabeng tse kgolo
Dithaba tsa lokologana naga
Ke boa nokeng tsa Limpopo dinoka dikgolo
Dinoka meetse a maphaaphaa
Ke tseba dikgoshi tsaka
Dikgoshi diaparankwe
Baetaditshabapele
Ke bina kosha ya Sepedi
Ga ke bine ntshesere
Ke tia kati ke hlaba fase ka letolo
Ke tia moropa mogolo
Basadi ba tia mekgolokwane
Ba bina  dipepetlwane
Ke ngwanamopedi
Ke bolela segageshu Sepedi sa Lebowa
Ke tia dika le diema ka  tswaka polelo
Polelokgolo ya Lebowa
Polelo sehumi
Ke ngwanamopedi
Ke tseba gae gagesho gae ga Mahlaku
Ke naba maoto pelo ya re tswee
Ka robala boroko gae gaMahlaku
Ke opela kosha Mmamatsobane kgaetsedi
Mmamatsobane a apee ka pitsa e kgolo
Bapedi be sware lefehlo
Mollo o sware legonyana
Ke itheta ka direto tsa gesho
Banna ba tie kati basadi ba tie mekgolokwane
Ke ngwanamopedi